Tā Mātou Kōrero

Ko Adrienne Whitewood (nō Rongowhakaata, Ngāpuhi me Ngai Tai) i aweawe mai i ngā mahi toi me te ahurea Māori, e mau ana i ngā kaupapa tuku iho, me te waihanga i ngā tuhinga motuhake ki ngā tūmomo matauri, hei whakaatu i tōna ngākaunui ki ngā mahi whakarākei. Ā, kia pai aite hono ki ngā mahi toi taketake o Aotearoa.  

Mai rā anō ia e tuitui ana mai i te 8 o ngā tau, ā, i whakaakohia ia e tana kuia, nā wai rā ka ngana a Adrienne ki te whai i te tohu paetahi mo ngā mahi hoahoa kākahu. Nā, ka tūtuki tēnei akomanga i te tau 2009, ā ka whakawhiwhia ia ki tana tohu paerewa i te Whare Wānanga Hangarau o Tāmaki Makaurau. I whakatuwhera tana toa tuatahi a Ahu Boutique i te tau 2013, ā, e titikaha ana ia ki te whakawhanake i ngā mahi hoahoa kākahu Māori ki Rotorua. Āpiti atu, i whakatūria e ia tana whakaaturanga tuatahi ki te wiki o New Zealand Fashion i te 2017.

E ai ki a Adrienne'He rawe ki ahau te whakaaro, ko ngā mahi mātātuhi he huarahi e neke ai te tinana mā roto i ngā mahi hoahoa. Ka tino harikoa ahau i te wā ka rangahaua e au ngā momo mahi toi a te Māori, me te ako hoki i ngā tini pūkenga me ngā mōhiotanga o ō tātou tūpuna. Ko te hua i roto i ngā mahi hoahoa kākahu Māori he whakahonohono i au ki taku ahurea Māori. Ka mīharo katoa au ki ngā kiritaki e kaingākau ana ki ā mātou taonga, ā, kei reira te kōingo ki te ruku hōhonu me te hanga i ngā hoahoa whai tikanga, e whakaatu ana i taku remurere ki ngā auahatanga o te iwi taketake o Aotearoa.

Nō te whānautanga mai o tana tamāhine a Harete (whānau mai i te XNUMX/XNUMX/XNUMX) kua rerekē tōna arotahinga ki tana pakihi, ā, he hiahia nōna ki te hanga i ngā ritenga toitū ā haere ake nei. I tēnei wā kei te whai ia i ngā papanga taiao me te waihanga i ngā hātepe e tika ana ki tāwāhi, kia piki ake tana aronga ki te whakaaro torowhānui o ngā mahi hoahoa.